Мурињо создава одличен тим: Пред потпис со Рома е и Белоти

Како што стојат работите Рома може да има прилично силен тим за новата сезона во Серија А.

Откако во Рим пристигна Паоло Дибала и се работи на трансферот на Вајналдум од ПСЖ, следен може да биде италијанскиот напаѓач Андреа Белоти.

Веќе е потврдено дека Белоти не останува во Торино и како слободен играч ќе се пресели во друга средина.

Според италијанските медиуми, сега веќе поранешниот капитен на „биковите“ најблиску е до потпис со Рома.