Милан на чекор до засилување од Челзи

Милан во летниот преоден рок ќе се обиде да го доведе играчот за врска на Челзи, Лофтус Чик.

Милан е силно заинтересиран за Рубен Лофтус Чик, кој играше одлично против „росонерите“ во ЛШ и го привлече вниманието на Малдини.

26-годишниот играч за врска не добива голема минутажа во Челзи, па и самиот е спремен да ја промени средината.

Челзи на лето ќе прави голема реконструкција, а Луфтус Чик е меѓу фудбалерите ставени на продажба.

„Росонерите“ веќе стапиле во контакт со неговиот агент и двете страни постигнале начелен договор, а Челзи за неговата слобода бара 20 милиони евра.