Милан купува голем француски талент

Милан бара засилување во одбраната и најголема желба во зимскиот преоден рок ќе биде големиот француски талент, Мохамед Симакан.

20-годишниот Французин минатата сезона блесна во дресот на Стразбур и покажа дека станува збор за еден од најголемите француски таленти.

Симакан одигра 25 меча во сите натпреварувања за Стразбур и го привлече вниманието на многу европски клубови, а со добрите игри продолжи и оваа сезона.

Директорот Малдини призна дека преговорите се во тек, а медиумите тврдат дека играчот веќе се договорил со „росонерите“.

Милан за неговиот потпис нуди 12 милиони евра плус бонуси, додека Стразбур во моментов бара 5 милиони евра повеќе.