Матиќ му се нуди на Јувентус

Немања Матиќ ќе ги напушти Рен, а главната причина е што е лут на клубот, бидејќи не го испочитувале договорот за упис на неговите деца во меѓународно училиште во Франција.

Матиќ решил да ги спакува куферите и демонстративно да си замине, па веќе не се појавува и на тренинзите со тимот.

Двете страни ќе го раскинат договорот, а Србинот е веќе во потрага по нов клуб и најверојатно ќе се врати во Италија.

Неговиот агент го предложил во Јувентус, кој е во потрага по квалитетен играч за врска.

Алегри ги цени квалитетите на Србинот, па можно е Јувентус да му понуди договор до крајот на сезоната.