Маскерано ја напушта Кина и потпишува за аргентински клуб

Хавиер Маскерано наскоро ќе ја напушти Кина и ќе се врати во Аргентина, каде ја започна својата богата кариера.

Тој во јануари 2018. година премина од Барселона во кинеската екипа Хебеи и до сега одигра 52 натпревари за овој клуб.

Сепак, договорот на Маскерано со овој клуб му истекува на крајот од оваа сезона и тој сега сака да потпише за аргентински Естудијантес, пренесува TyC Sports.

Изворот пренесува дека поранешниот играч на Барселона нема намера да остане во Кина и сака да потпише за клубот во кој тренер е поранешниот играч на Каталонците, Габриел Милито.

Маскерано најголемиот дел од својата кариера ја помина во Барса, каде пристигна во 2010. година и остана осум години и во тој период одигра 334 натпревари.

Javier Mascherano está muy cerca de concretar su regreso al fútbol argentino, aunque no lo haría a River como muchos podían haber pensado. El Jefecito elegiría a Estudiantes de La Plata para jugar la temporada 2020. pic.twitter.com/iNfh8oDQLh

— Leo Eduardo (@LeoEdua80506220) November 13, 2019