Ливерпул потпишува нов спонзорски договор и ги руши сите рекорди на Островот

Раководството на Ливерпул води преговори за потпишување на рекорден договор со технички спонзор на тимот, кој треба да го сруши рекордот на Манчестер Јунајтед, кој од „Адидас“ годишно добива 75 милиони фунти.

Клубот од „Енфилд“ во моментов има договор со компанијата „New Balance“ кој завршува на крајот на наредната сезона. Според информациите во моментов двете страни преговараат за нов договор, кој ќе биде рекорден во англискиот фудбал.

Во моментов Ливерпул добива 45 милиони фунти годишно, но „New Balance“ е спремен да понуди најмалку 75 милиони фунти за да остане спонзор на „црвените“. Тоа е поради фактот што втора година по ред од Ливерпул имаат рекорден број на продадени дресови.

Во моментов Ливерпул е на третото место во Англија по приходи од спонзори. Манчестер Јунајтед е на прво место, а после него доаѓа Челзи кој има договор со „Nike“ од 60 милиони фунти по сезона.

Liverpool in talks over record kit deal from 2020-21 season… and they aim to smash United's £75m-a-year contract https://t.co/ZbV9LK9w8w pic.twitter.com/nAnZcL33kF

— MailOnline Sport (@MailSport) December 25, 2018