Легендарниот Патреску замени играч во 25. секунда (ВИДЕО)

Легендарниот романски тренер Дан Патреску денес е тренер на Клуж со кој пред десетина дена испадна од Севиља во 1/16 финалето од Лигата на Европа.

Патреску се најде во центарот на вниманието поради потегот на последниот натпревар против Газ Метан кога го замени играчот после 25 секунди. Да, 25 секунди од почетокот натпреварот.

Тоа го направи за да ги заобиколи правилата на романската лига. Имено, Романците минатото лето воведоа правило дека во првите 11 мора да има барем двајца играчи помлади од 21 години. Еден од нив мора да одигра цел натпревар, а другиот може да се замени.