Кристенсен се договорил со Барселона

Дефанзивецот на Челзи, Андреас Кристенсен готово сигурно ќе го напушти клубот на крајот на сезоната.

Неговиот договор истекува на лето и во неколку наврати ја одби понудата на Челзи, па ќе замине како слободен агент.

Раководството на „сините“ верува дека Кристенсен веќе се договорил со Барселона. Соиграчите исто така вече знаат дека 25-годишниот Данец кариерата ќе ја продолжи на „Камп Ноу“.

Од почит кон Челзи, Кристенсен ги одбил понудите од други англиски клубови. Тој има понуда и од Баерн Минхен, но одлучил да ја продолжи кариерата во Барселона.