Интер тргнува по Бразилецот од Барселона

Малком ова лето пристигна во Барселона како големо засилување, но би можел да го напушти „Камп Ноу“ уште во зимскиот преоден рок.

Бразилецот добива мала минутажа и не е задоволен од својот статус, а каталонските медиуми пренесуваат дека Интер започнал преговори со преставници на Барселона.

Миланскиот гигант го сакаше Малком уште во летниот преоден рок, а сега сака да го донесе на позајмица со право на откуп. Меѓутоа, „нероаѕурите“ ќе имаат сериозна конкуренција бидејќи за неговиот потпис се интересираат уште Тотенхем и Арсенал.

Малком ова лето пристигна од Бордо за 40 милиони евра, а од почетокот на сезоната помина само 25 минути на теренот.

Поради тоа јавно го искажа своето незадоволство и сака да ја промени средината во потрага по поголема минутажа.