Интер го сака Пасторе – ПСЖ ја одреди цената!

Главна трансфер цел на Интер во зимскиот преоден рок ќе биде доведување на офанзивен играч за врска, а најголема желба е Хавиер Пасторе од ПСЖ.

Аргентинецот не може да се избори со жестоката конкуренција во Париз и добива мала минутажа оваа сезона, па и самиот е спремен да ја промени средината.

Спортскиот директор на Интер, Валтер Сабатини е човекот кој го донесе Пасторе своевремено во Италија, во Палермо, па е во одлични односи со играчот и неговиот агент.

„Ел Флако“ е спремен да се врати на Апенините, но проблем е ПСЖ кој нема така лесно да се откаже од својата ѕвезда. Имено, „светците“ за неговата слобода бараат 40 милиони евра.

„Нероаѕурите“ не се спремни да ја платат оваа сума, но имаат план да договорот позајмица на играчот со право на откуп на крајот на сезоната.