Ибрахимовиќ со фотографија на Инстаграм се прости од Јунајтед: Засекогаш црвен!

Денес и официјално беше потврдено дека Златан Ибрахимовиќ го раскинува договорот со Манчестер Јунајтед.

Швеѓанецот во Манчестер помина скоро две години, а негов нареден клуб најверојатно ќе биде американскиот тим од МЛС лигата, Лос Анџелес Галакси.

За периодот во Манчестер Златан со „ѓаволите“ стигна до трофеј во Комјунити Шилд, Лигата на Европа и Лигата Купот.

По објавата на официјалниот Твитер профил на Манчестер Јунајтед, Ибра од „ѓаволите“ се прости преку својот Инстаграм.

„На добрите работи им доаѓа крајот, дојде време да продолжиме понатаму. Поминав две фантастични сезони со Манчестер Јунајтед. Му благодарам на клубот, навивачите и целиот персонал. Засекогаш црвен“, порача Ибра.

Great things also come to an end and it is time to move on after two fantastic seasons with Manchester United. Thank you to the club, the fans, the team, the coach, the staff and everybody who shared with me this part of my history. #foreverred

A post shared by Zlatan Ibrahimović (@iamzlatanibrahimovic) on Mar 22, 2018 at 10:37am PDT