Зошто новиот играч на Арсенал место презимето на дресот ќе го носи името?

Томас Парти неодамна стана нов играч на Арсенал.

Во последните моменти од преодниот рок лондонскиот клуб од Атлетико го купи Парти и тој во наредните години ќе го носи дресот на „топџиите“.

Фудбалерот од Гана веќе го задолжи дресот со број 18, а на него место презимето Парти стои неговото име, Томас.

Новинарите ги интересираше зошто се одлучил на ваков потег.

„Ја започнав кариерата со Томас на дресот, па затоа одлучив и тука да го носам моето име на дресот“, изјави Парти.

Парти во претходните пет години настапуваше за Атлетико, а претходно го носеше дресот на Мајорка и Алмерија.