Емре Џан ја избра Борусија, договорена цената на трансферот

Очигледно дека Емре Џан направи голема грешка кога одлучи да го напушти Ливерпул и да премине во Јувентус.

26-годишниот играч од средниот ред имаше силна желба да игра за Старата дама, но е маргинализиран скоро од самото доаѓање на Алијанц.

Поради ова, со месеци се шпекулира за неговиот трансфер, а и самиот Џан отворено зборуваше за своето незадоволство во Јувентус.

Оваа зима се шпекулира дека Емре Кан ќе ја продолжи кариерата во Борусија Дортмунд, а сега голем број италијански медиуми пишуваат дека трансферот е на чекор до реализација.

Според Sky Sporta, Sportitaliа, Calciomercato.com и многу други, Борусија првата понуда од 18 милиони сега ја зголеми на 22, но и тоа не е доволно.

Сепак, двата клуба конечно постигнале договор, а тоа е сума од 25 милиони евра, вклучувајќи и бонуси.

Меѓутоа, можно е Џан прво да замине на позајмица со опција за откуп на договорот по крајот на сезоната.

Емре Џан одигра вкупно 45 натпревари за Јуве, постигна 4 погодоци и запиша една асистенција.