Интер Мајами нема да учествува во плејофот во МЛС-лигата, па раководството на тимот следниот период ќе го искористи за да најде нови засилувања.
По Жорди Алба и Серхио Бускетс, уште еден фудбалер на Барселона е блиску до преселба во Интер Мајами кај Лионел Меси.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Еден од капитените на Барселона, Серхи Роберто има договор со тимот до следното лето, а веќе јавно кажа дека сака да ја продолжи кариерата во САД.
„Ми се допаѓа во САД. Ја сакам и МЛС-лигата, а имам и пријатели кои играат таму“, кажа Роберто.
Роберто игра за каталонскиот гигант од 2010 година, а за репрезентацијата на Шпанија настапи на 11 натпревари.