Договорена трампа помеѓу Барселона и Јувентус

Италијанските медиуми потврдија дека Јувентус и Барселона договорија трампа на двајца млади фудбалери.

Имено, Алехандро Маркес ќе стане нов член на „старата дама“, додека на „Камп Ноу“ ќе се пресели младиот Матеус Переира.

Јувентус го повлече 21-годишниот Бразилец од Дижон, па сега ќе го испрати во Барселона, а за возврат ќе го добие талентираниот Маркес.

Станува збор за двајца млади и талентирани фудбалери на кои им се предвидува одлична кариера.

Покрај за размената на млади фудбалери, двата клуба разговараа и за трампа помеѓу Ракитиќ и Бернардески, но таа нема да се оствари бидејќи Барселона одбила да доплати 10 милиони евра за Италијанецот.