Дибала се соочува со суспензија од три месеци?

Аргентинецот од редовите на Рома, Паоло Дибала би можел да се соочи со суспензија од три месеци, објавија италијанските медиуми.

Причината поради која Дибала може да се соочи со казна е финансиската измама во Јувентус, односно примањето пари на црно. Дибала беше повикан на разговор од обвинителите за да одговори на прашањата за непријавените исплати.

Во време на корона рестрикциите Дибала не се согласил да земе помалку пари, но се согласил да добие пари „под рака“. Информациите на обвинителството се дека на двапати на тој начин добил 1.9 милион евра.

Истражителите се сомневаат дека добил околу три милиони евра како компзација за Јувентус кој одлучил да не го продолжи договорот кој му истекувал.