Далиќ се налути не гласаше: Побара повеќе почит од ФИФА!

Кристијано Роналдо одби да гласа за најдобрите за церемонијата на ФИФА (ТУКА), а тоа го направи и селекторот на Хрватска Златко Далиќ.

За разлика од Роналдо за кого не е познато зошто не гласаше, Далиќ ја образложи својата одлука и порача дека според него ФИФА нема доволно почит кон хрватските фудбалери.

„Ме разочара односот на ФИФА кон хрватската репрезентација. Ние сме единствена селекција која се најде меѓу четирите најдобри на Светското првенство и во Лигата на нации.

 Го шокиравме цел свет со победата против најсилниот Бразил, а исто така единствени сме заедно со Франција кои имаат два медали од последните два мундијали“, истакна Далиќ и продолжи:

„И покрај тоа во 14 најдобри играчи ние го имаме само Модриќ. Модриќ беше извонреден, но каде се останатите? Дали немаше за Матео Ковачиќ кој стана светски клупски шампион и беше одличен на СП? Немаше ли место за Гвардиол кој во многу избори доби место во најдобрите 11 на СП и Бундеслигата?

 Не заслужи ли и Ливаковиќ да биде помеѓу топ 5 голмани во светот? Ваквата ситуација ја доживувам како недоволна почи за нашата репрезентација за се што направивме. Барам повеќе почит за нашите фудбалери, па и за себе. Со два медали на последните два мундијали ние сме светска сензација“, порача Далиќ.