Во Премиер лигата може да падне нов трансфер рекорд

Евертон е силно заинтересиран за крилниот напаѓач на Ватфорд, Ричарлисон, па дури е спремен да го собори клупскиот рекорд и да плати 50 милиони фунти за Бразилецот, пренесуваат медиумите на Островот.

До сега „карамелите“ најмногу потрошиле за еден трансфер 45 милиони финти и тоа минатото лето за Гилфи Сигурдсон.

Ричарлисон има само 21 година и една сезона во Премиер лигата, но минатата сезона одигра фантастично и го привлече вниманието на многу европски клубови.

Менаџерот на Евертон Маркос Силва добро го познава Бразилецот и сака да го донесе по секоја цена во својот тим, а „карамелите“ се спремни да го срушат трансфер рекордот за да му ја исполнат желбата.