Видео: Милан промаши пенал, Наинголан го казни!

Дербито на „Олимпико“ со кое беше комплетирано 16.коло во Серија А и припадна на Рома, која минимално го совлада Милан и така сама остана на втората позиција.

Мечот на „Олимпико“ го реши белгискиот репрезентативец Наинголан кој единствениот гол го постигна во 62-та минута.

Трагичар на натпреварот е напаѓачот на Милан Нианг кој во 27-та минута не успеа да реализира пенал, односно Шчесни го одбрани неговиот удар.

Рома во наредното коло игра уште едно дерби против Јувентус во Торино, додека Милан ќе ја пречека Аталанта.