Васкез одби да го продолжи договорот со Реал Мадрид

Реал Мадрид на лето може да го напуштат неколку фудбалери, а еден од нив е Лукас Васкез.

Лукас Васкез влезе во последната година од договорот, а последните информации од Шпанија се дека нема да стави потпис на нов договор.

Реал Мадрид е спремен да му понуди едногодишен договор, Васкез не е задоволен и најверојатно на лето ќе си замине како слободен агент.

Тој е слободен да преговара со заинтересираните клубови, а најсилен интерес за него покажуваат Манчестер Јунајтед и Милан.

Васкез оваа сезона не добива голема минутажа кај Зидан, па тоа е една од причините поради кои сака да ја промени средината.