Вардар со уште еден висок пораз од Веспрем го заврши настапот во Европа

Четвртфиналето помеѓу Вардар и Веспрем беше решено уште во првиот натпревар кога Веспрем во Скопје победи со 41:27. По тој резултат никој не очекуваше дека Вардар може да приреди некаква сензација.

И во Унгарија Вардар беше надигран, па Веспрем и втор пат триумфираше, овој пат со девет гола разлика 39:30. Вардар парираше десетина минути, а потоа Веспрем почна да се одлепува
На полувремето Унгарците заминаа со предност од 20:15.

Во вториот дел предноста на Веспрем се зголемуваше, па на 20 минути до крајот дојдоа и до плус 10. (30:20). На крајот конечниот резултат гласеше 39:30.