Бруно блиску до нов договор со Манчестер Јунајтед

Капитенот на Манчестер Јунајтед Бруно Фернандеш се договорил со клубот да остане во тимот од Олд Трафорд.

Во новиот договор стои дека Португалецот ќе остане во дресот на „Црвените ѓаволи“ најдоцна до 2027 година, со опција за продолжување на соработката на уште 12 месеци.

Португалецот досега одигра 233 натпревари за „Ѓаволите“, постигна 79 гола и забележа 66 асистенции.

Бруно во Премиер лигата пристигна од Спортинг, а претходно настапуваше за Сампдорија, Удинезе, Новара и Боависта.