Барселона го стави Рафиња на трансфер листа

Бразилскиот репрезентативец, Рафиња ова лето дојде како големо засилување во Барселона за 65 милиони евра.

Рафиња беше на мета на многу европски гиганти, пред се Челзи и Арсенал, но на крајот се одлучи кариерата да ја продолжи во Барселона.

Меѓутоа, шпанските медиуми информираат дека Каталонците не се задоволни од неговиот допринос и како се вклопи во тимот, па се спремни да го стават на трансфер листа.

Барселона за негова продажба ќе бара сума од околу 55 милиони евра и со неговата продажба сакаат да го финансираат трансферот на Бернардо Силва.

Најсилен интерес за Бразилецот покажуваат Арсена, Милан и Њукасл, кои веќе стапиле во контакт со агентот на играчот.