Балотели: Мојата мајка плачеше кога и кажав за трансферот во Бреша

Марио Балотели официјално има нов клуб. Контроверзниот Италијанец се врати во татковината и потпиша за клубот од градот во кој израсна – Бреша.

Иако Балотели е роден во Палермо на само две години се пресели во околината на Бреша, а семејството кое го посвои и понатаму живее во овој град. Неговиот татко почина пред четири години.

Трансферот во Бреша за Балотели претставува враќање дома, иако никогаш не играше за овој клуб, во младоста тој беше член на Лумезано и Интер.

Денес беше одржана прес конференција на која Балотели беше претставен како нов напаѓач.

„Претстадетелот и јас се сретнавме само еднаш, во Англија пред многу години…Мино Раиола сега ја предложи оваа идеја и за мене навистина не беше тешко да ја изберам Бреша. Немам никаков страв. Мојата цел е да помогнам тимот да напредува колку што е можно повеќе,, сакам да бидам поддршка за своите соиграчи и сакам они мене да ме поддржуваат. Мислам дека вие имате повеќе страв од неуспех отколку јас. Не гледам често ТВ и не го читам она што се пишува за мене и негативните вести кои се појавуваат за мене ми ги пренесуваат други. Не може сите да ве сакаат“.

„Мојата мајка плачеше кога и кажав за трансферот. Ја прашав што мисли за тоа, а она само плачее и беше многу среќна. Мојот татко е од Бреша, навиваше за овј клуб и негов сон беше да заиграм во овој дрес. Сигурно денес би бил среќен“, изјави помеѓу другото Балотели.