Аталанта даде знак – Конти наскоро „росонер“!

Милан денес е на чекор да го доведе и петото засилување, а наскоро би требало да пристигне и шестото, Андреа Конти од Аталанта.

„Росонерите“ се многу блиску до тоа во своите редови да го доведат Фабио Борини, овој фудбалер веќе пристигна на медицински прегледи и трансферот во секој момент би можел да биде официјализран.

Тој би бил петто засилување за Милан ова лето, откако во клубот пристигнаа Матео Мусакио, Франк Кеси, Рикардо Родригез и Андре Силва.

Но тоа не е се, наскоро се очекува да пристигне и Андреа Конти. Конти настапува за Аталанта која денес го доведе Томас Фокето од Гент, а овој фудбалер игра на позицијата на Конти. Веројатно ова е доволен знак дека Конти наскоро ќе се пресели во Милано.

Се очекува Милан за неговите услуги да плати 25 милиони евра.