Арсенал е на чекор до ново засилување

Дефанзивецот на Торино, Армандо Ицо е на чекор до трансфер во Арсенал.

Како што тврдат медиумите во Италија, агентот на Ицо е во Лондон и се договара за неговиот трансфер. Паоло Палермо, агентот на играчот смета дека клубовите ќе постигнат договор наскоро и овој дефанзивец за околу 30 милиони евра ќе се пресели на „Емирати“.

Севиља, Лацио и Интер исто така се споменуваа како потенцијални купувачи на овој играч. 27-годишниот дефанзивец за репрезентацијата на Италија дебитираше оваа година, а пред Торино играше за Џенова, Авељино и Наполи.