Алехандро Гомез доби понуда да ја напушти Италија

Aргентинскиот фудбалер Алехандро Гомез има прилика кариерата да ја продолжи во САД.

Напаѓачот на Аталанта веројатно ја заврши својата епизода во Бергамо после расправијата со тренерот Гасперини и се очекува да го напушти клубот во текот на јануарскиот преоден рок.

Според „Тутомеркато“, МЛС тимот Синсинати е заинтересиран за аргентинскиот играч за врска и спремен е да му понуди тригодишен договор.

Гомез го сакаат и некои италијански клубови како Интер, Милан и Рома и останува да се види какви планови има Гомез и дали има желба да го промени континентот.

Она што е сигурно е дека на Гомез нема да му недостасуваат понуди.