Според шпанскиот лист Марка, левиот бек на Милан, Тео Ернандез, ги понудил своите услуги на Реал Мадрид, но клубот повеќе го преферира Алваро Карерас од Бенфика. Во последните неколку недели се појавија шпекулации дека Тео Ернандез е на мета на Реал, што би значело негово враќање во тимот кој го напушти за да премине во Милан.
Сепак, Марка денес тврди дека интересот бил главно од една страна, односно дека самиот играч се обидел да се наметне на листата на желби на Реал Мадрид. Наместо него, шпанскиот великан има цел на 22-годишниот Алваро Карерас, кој помина време во академијата на Манчестер Јунајтед, а минатота лето беше продаден на Бенфика за шест милиони евра.
Како дел од тој трансфер, Манчестер Јунајтед има право на купување при неговата идна продажба до 31 декември, но во договорот има клаузула за откуп од 50 милиони евра. Тео Ернандез станува сè помалку веројатен како долгорочно решение во Милан, бидејќи неговиот договор истекува во јуни 2026 година, а преговорите за продолжување се соочиле со пречки.
Милан мора да продава
Неодамнешниот пораз во финалето на Италијанскиот куп од Болоња исто така значи дека Милан веројатно нема да се квалификува за Европската лига, што дополнително го намалува буџетот на клубот.
Тео Ернандез пред пристигнувањето во Милан играше за Атлетико Мадрид, каде ја започна својата професионална кариера, а пред тоа беше член на младинските погони на Реал Мадрид и Алавес. Во Милан пристигна 2019 година, каде брзо стана еден од клучните играчи на одбраната.
Учество во игри на среќа е дозволено за лица со 18+ години. Играј одговорно!