Винисиус: Се надевам дека ќе потпишам нов договор што е можно побрзо

Ѕвездата на Реал Мадрид, Винисиус Жуниор не само што го изрази своето возбудување од претстојното градско дерби со Атлетико Мадрид во осминафиналето на Лигата на шампиони, туку исто така нагласи дека се надева да остане уште многу години во клубот, очекувајќи да потпише нов договор. .

“Продолжувам да доживувам неверојатни работи со овој дрес, исполнувајќи ги моите соништа. Почнавме да играме подобро од натпреварите со Манчестер Сити. Нека навивачите бидат со нас и да можеме да го дадеме најдоброто од себе за да одиграме голем натпревар за нашите поддржувачи. Судиите во Европа повеќе ги штитат играчите кои прават спектакл. Не ни е убаво да зборуваме за судиите, но секако дека за нас е важно да судат добро. Многу сум спокоен, затоа што имам договор до 2027 година и се надевам дека ќе потпишам нов што е можно побрзо, затоа што сум среќен тука. Сите луѓе тука ме сакаат многу. Нема каде да бидам на подобро место.

Тука сум за да ја продолжам историјата и сè што ми дадоа претседателот и клубот. Нека продолжам да постигнувам уште голови и да одиграм уште натпревари со овој дрес. Освојував, но можам да освојам уште многу и да влезам во клубската историја со толку големи фудбалери кои се легенди. Не, не се чувствувам измамен за “Златната топка”. Луѓето гласаат така како што мислат. Јас имам свое сопствено мислење. Никогаш не сум сонувал да ја освојам “Златната топка”. Кога си близу, веруваш во неа, но ќе имам уште можности. Веќе сум освоил две европски купи и сум тука да додадам уште многу. Бојкот на церемонијата? Ја правам она што ми го нареди клубот, а оттаму ме замолија да останам во Мадрид.