Наполи, според пишувањата на британските медиуми, покажува интерес за изненадувачки потег – ангажирање на поранешниот напаѓач на Лестер Сити, Џејми Варди, откако се потврди дека Ромелу Лукаку ќе отсуствува од теренот три месеци поради повреда на бутот.
Овој неочекуван удар ги принуди Наполитанците повторно да излезат на пазарот, а 37-годишниот Варди, кој е слободен играч по завршувањето на 12-годишната епизода во Лестер, се појави како опција. Daily Mail истакнува дека италијанскиот шампион го гледа како сериозно решение со оглед на неговото искуство, освоената титула во Премиер лигата, повеќе од 200 постигнати голови и познатата професионалност и физичка подготвеност.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Наполи претходно ја истражувал можноста за доведување на поскапи и звучни имиња како Расмус Хојлунд и Дарвин Нуњез, но Варди би претставувал поинаков пристап. Тој е докажан, искусен стрелец кој не би барал отштета и чија плата би била значително помала, што го прави идеално решение на краток рок. Ваквиот потег би му овозможил на Наполи да остане конкурентен додека Лукаку се опоравува, без врзување за долгорочни и скапи инвестиции.
Фото: Принтскрин
Учество во игри на среќа е дозволено за лица со 18+ години. Играј одговорно!