УЕФА започнува истрага дали навистина човек од тимот на Атлетико плукнал навивачи на Ливерпул

УЕФА ќе започне своја истрага за вчерашните инциденти меѓу навивачите на Ливерпул и тимот на Атлетико Мадрид.

Тренерот на “јорганџиите” Диего Симеоне доби црвен картон, откако влезе во конфронтација со навивач на Ливерпул, кој според аргентинецот, го навредувал целиот натпревар. Самиот навивач објави видео, во кое тврди дека еден од асистентите на Симеоне го плукнал.

Според “Би Би Си”, шпанскиот клуб исто така ќе направи своја истрага за целиот инцидент, кој се случи по победничкиот гол на Вирџил ван Дајк во надополнетото време на натпреварот, одигран на “Енфилд”. Ливерпул ќе ги достави сите достапни снимки.

“Дејли Телеграф” тврди дека човекот кој плука во правец на навивачите и потоа се обидува да ги прска со вода е диетологот на Атлетико, Давид Лагос.

Дали УЕФА ќе преземе дисциплински мерки, ќе зависи и од извештаите на официјалните лица.