„Шлаканица“ за крај од капитенот: Ернандез ептен го налути Милан

Тео Ернандез го напушти Милан. Трансферот во Ал-Хилал е официјален по неколкумесечно двоумење на извонредниот лев бек, но додека „Росонерите“ со трогателни пораки се збогуваа од Французинот по шест сезони, тој најде начин да го налути клубот. Не и навивачите, бидејќи веројатно го делат неговото мислење.

Познато е дека Тео за многумина претставуваше проблем во соблекувалната, последната сезона, се зборуваше дека тој и Рафа Леао ја прават главната пречка, дека имало конфликти со Фонсека, а ни Консеисао не поминал подобро.

Ернандез им се заблагодари на навивачите, соиграчите, на Малдини кој го донесе во клубот, но исто така рече дека во последниве години Милан тргнал во спротивен правец од неговите вредности и визија.

„Заминувам со крената глава, со полно срце, имав исти соништа како и навивачите, се надевам дека Милан ќе тргне кон местото кое го заслужува“, порача Ернандез.

Фото: Принтскрин