Реал во среда навечер го совлада Атлетико во дербито на осминафиналето на Лигата на шампионите по пенали и така обезбеди пласман во четвртфиналето против Арсенал. Првиот натпревар на Сантијаго Бернабеу заврши со победа на Реал 2:1. Во реваншот, Атлетико на својот стадион победи со 1:0 со голот на Конор Галагер во 1-та минута.
Тоа беше резултатот до крајот на продолженијата, па победникот беше одлучен на пенали. Реал во распукувањето победи со 4:2, а серијата беше обележана со одлуката на судијата Шимон Марчињак на интервенција на ВАР да го поништи голот на Џулиан Алварез. Напаѓачот на Атлетико се лизна малку при изведувањето на пеналот и топката ја допре двапати, покажа снимката на УЕФА.
Битки за за титули и Лига на Шампиони во Премиер Лига, Серија А и Ла Лига ↓↓↓
Првпат од натпреварот, самиот Марчиниак се огласи за целата ситуација: “Дали Мбапе им кажа на судиите дека Алварез двапати ја допрел топката? Тоа воопшто не е точно. Јас бев тој кој ги извести ВАР судиите дека е 99 проценти сигурен дека Алварез двапати ја допре топката и тие тоа детално го испитаа.”
“Да бидам искрен, никогаш во кариерата не сум се соочил со таква ситуација, но играчите ги знаат правилата”, заклучи полскиот судија.
Учество во игри на среќа е дозволено за лица со 18+ години. Играј одговорно!