Салах на натпреварот против Њукасл собори уште еден рекорд во Премиер лигата

Ливерпул и Њукасл ремизираа 3:3 во 14. коло од Премиер лигата, а Мохамед Салах постави нов рекорд.

Египќанецот постигна два гола и асистираше за голот на Џонс, со што стана првиот играч кој постигнал гол и асистенција на ист натпревар 37 пати во Премиер лигата. Со ова го надмина Вејн Руни, кој го направи тоа 36 пати.

Салах го достигна рекордот во 277. премиерлигашки натпревар, дури 214 настапи побрзо од Руни.

Во дресот на Ливерпул одигра вкупно 370 натпревари, постигна 226 голови и забележа 101 асистенција. Моментално е водечки стрелец во лигата со 13 гола и втор по бројот на асистенции со 8.