Руд ван Нистелрој блиску до нов ангажман по заминувањето од Јунајтед

Руд ван Нистелрој заврши одлична работа за краткото време на клупата на Манчестер Јунајтед. На клубот му требаше привремено решение пред доаѓањето на Рубен Аморим, а легендарниот холандски напаѓач се покажа токму тоа со три победи и реми по отказот на Ерик тен Хаг. Англиските медиуми пишуваат дека тој нема долго да биде без работа.

Ван Нистелрој стекна светска слава играјќи за Јунајтед. Тој одигра 219 натпревари и постигна импресивни 150 гола. Ја освои и титулата во англиското првенство.

Подоцна се пресели во Реал Мадрид и продолжи со одличните настапи. Играчката кариера ја заврши во 2012 година во Малага.

Откако ја започна својата тренерска кариера како шеф на вториот тим на ПСВ, а потоа го предводеше првиот тим до 33 победи и 10 нерешени во 51 натпревар и му донесе два трофеи, Ван Нистелрој се уште го чека вистински ангажман. Тој наводно би можел да му биде понуден од Барнли.

Во истиот контекст се споменуваше и минатото лето, а се споменува и сега, кога тимот се бори за влез во Премиер лигата од Чемпионшип, пренесуваат англиските медиуми.