Рубен Аморим и официјално ја заврши својата епизода во Манчестер Јунајтед, а наскоро по вестите за отказ се појавија и информации за неговите идни планови.
Португалецот одлучи да повлече јасна линија по турбулентниот период на Олд Трафорд и привремено да се оддалечи од тренерската работа.
Спорт што не познава граници - Street Workout Macedonia | Уште еден поткаст
Според достапните информации, Аморим донел одлука до крајот на сезоната да не разгледува никаква понуда што би можела да пристигне на неговата адреса.
Интерес сепак, не недостасува, бидејќи веќе сега сериозни сигнали пристигнаа од Блискиот Исток и Бразил.
Станува збор за пазари кои се познати по финансиски издашни договори и големи амбиции, но Аморим за сега не е подготвен за нов предизвик.
Поранешниот тренер на Манчестер Јунајтед сака пред сѐ да се ментално одмори по периодот исполнет со притисок и високи очекувања.
Престојот во еден од најголемите клубови во светот остави трага, а Аморим смета дека пауза е неопходна за да се врати посилен.
Посебен фокус во наредните месеци сака да посвети на семејството, со кое планира да мине повеќе време далеку од секојдневниот стрес на професионалниот фудбал.
Учество во игри на среќа е дозволено за лица со 18+ години. Играј одговорно!