Барселона ја совлада Борусија Дортмунд со 4:0 во првиот натпревар од четвртфиналето на Лигата на шампионите, а Рафиња го постигна водечкиот гол на мечот и додаде уште две асистенции за Роберт Левандовски и Ламин Жамал.
Рафиња на овој начин го изедначи клупскиот рекорд на Лионел Меси по број на голови и асистенции во една сезона на Лигата на шампионите.
Од неколку парчиња пелени до успешен бизнис - Приказната за Балон Твистер ↓↓↓
Познатиот Аргентинец во сезоната 2011-12 вкупно учествуваше во 19 голови на Каталонците, што сега успеа да го направи и Бразилецот откако голот против жолто-црните од Вестфален му беше вкупно 12-ти од почетокот на сезоната, а забележа и седум асистенции.
Рафиња до крајот на натпреварувањето има голема шанса да го надмине Меси и да постави нов клупски рекорд.
Овој 28-годишен Бразилец дојде во Барселона во 2022 од Лидс за околу 60 милиони евра. Претходно играше и во Португалија (Виторија Гимараеш и Спортинг Лисабон) и во Франција (Рен).
Реваншот помеѓу Борусија и Барселона е закажан за вторник на 15 април во Дортмунд.
Фото: FC Barcelona/FB
Учество во игри на среќа е дозволено за лица со 18+ години. Играј одговорно!