Престон Лајонс убедливо го совлада Вардар во Скопје (Видео)

Фото: Спортски.мк

Фудбалскиот клуб Вардар денеска одигра пријателски натпревар во Скопје против австралискиот Престон Лајонс и беше поразен со 2-4. Гостите први поведоа во 20. минута, но „црвено-црните“ брзо израмнија преку Едиз Спахиу, кој погоди по изведен корнер.

Во второто полувреме австралискиот состав доминираше и во краток период од девет минути постигна два гола за убедливо водство. Вардар повторно се врати во игра благодарение на вториот погодок на Спахиу, овојпат од пенал, со што намали на 2-3.

Иако вардарци се обидуваа да дојдат до израмнување, Престон Лајонс во судиското надополнување постигна уште еден гол и го постави конечниот резултат 2-4.