Одегард мора на подолга пауза, дали е време за Езе?

Капитенот на Арсенал, Мартин Одегард, ќе мора да направи подолга пауза.

Норвежанецот беше заменуван три пати по ред во натпреварите од Премиер лигата, а станува збор за потешка повреда отколку што првично се мислеше. Наводно, паузата ќе трае минимум еден месец, а можеби дури и осум недели.

Така, Одегард ќе пропушти значаен број натпревари во следниот период. Се спекулира дека ќе биде подготвен дури по ноемвриската репрезентативна пауза, која започнува на 8 ноември. Дотогаш нема да игра против Фулам, Атлетико Мадрид, Кристал Палас, Брајтон во Лига купот, Барнли, Славија од Прага, како и на гостувањето кај Сандерленд.

Се очекува сега Еберечи Езе да добие поголема минутажжа и да го замени Норвежанецот на позицијата “десетка”. Меѓутоа, не треба да се заборави ни на Микел Мерино.