Каталонскиот весник „Мундо Депортиво“ објави дека Барселона ја одбила понудата од 50 милиони евра која Челси ја испрати за талентираниот полуофанзивец Фермин Лопез. Иако се сметаше дека сумата би можела да биде доволна за трансфер, раководството на „блауграна“ јасно ставило до знаење дека играчот нема да биде продаден за помалку од 70 милиони евра.
Улични кучиња: Системски или човечки проблем? | Уште еден поткаст
Интересот на Челси за 21-годишниот фудбалер не е нов, а англискиот клуб е подготвен да му понуди и значително повисока лична заработка. Според информациите, Фермин моментално во Барселона има околу шест милиони евра бруто плата годишно, додека Челси му нуди дури 15 милиони бруто – повеќе од двојно зголемување.
Сепак, останува нејасно дали „сините“ ќе се одлучат да ја зголемат понудата и да се приближат до барањата на каталонскиот клуб или ќе се повлечат од трката.
Фото: Grok AI
Учество во игри на среќа е дозволено за лица со 18+ години. Играј одговорно!