Седум натпревари, седум победи за Реал Мадрид. Мурсија не успеа да го запре лидерот во Ендеса лигата, кој со убедливи 90-71 ја продолжи серијата без пораз. Во победничкиот состав се истакна Хаиме Прадиља со 15 поени и седум скока.
Најдраматичната завршница ја понуди дуелот меѓу Коруња и Андора. При израмнет резултат, Кајо Пачеко погоди тројка со звукот на сирената за 103-100 и големо славје на домаќините. Важен придонес за победата имаше и Алонзо Верџ, кој запиша дабл-дабл од 20 поени и 10 асистенции.
Сарагоса доби значаен дуел во трката за пласман на Купот на кралот, совладувајќи ја Уникаха со 96-91. Брусино беше главниот адут на победничкиот тим со индекс на корисност 36. На спротивната страна, Кевин Нокс постигна 17 поени на дебито, но тоа не беше доволно за гостински успех.
До петтата победа стигна Тенерифе, кој го порази Хувентуд со 80-74 и сега има биланс 5-2. Лапровитола заврши со 23 поени за гостите, чиј учинок по овој натпревар е две победи и пет порази.
Валенсија, пак, мораше да го менува текот на натпреварот против Сан Пабло Бургос. По тешкото прво полувреме, гостите одиграа многу подобро во продолжението и победија со 100-93. Осетковски и Брукс го предводеа пресвртот со по 15 поени.
Фото: Eurohoops
Учество во игри на среќа е дозволено за лица со 18+ години. Играј одговорно!