Од Саудиска Арабија понудиле 300 милиони за три години на Хари Кејн

Саудискиот Ал-Хилал му понудил на напаѓачот на Баерн Минхен Хари Кејн богат договор од 100 милиони евра годишно, според водечкиот германски весник Билд.

Според изворот, Саудијците се подготвени да потпишат 3-годишен договор со англискиот напаѓач за вкупно 300 милиони евра.

32-годишниот напаѓач претходно ги одбиваше понудите од Блискиот Исток во 2023 година, но Англичанецот може да ја разгледа понудата следното лето.

Кејн се приклучи на Баерн од Тотенхем во летото 2023 година. Во овој период напаѓачот одиграл 106 натпревари во сите турнири, каде што постигнал 103 гола и направил 29 асистенции. Неговиот тековен договор со клубот е до летото 2027 година. Според порталот Transfermarkt, неговата пазарна вредност моментално изнесува 75 милиони евра.