Oфицијално: Мартин Касерес и оваа сезона ќе игра во Серија А

Уште еден играч со големо искуство пристигна во Фиренца.

Големи промени се случија во Фиорентина ова лето, имаше заминувања, но доаѓања откако клубот го превзема Роко Комисо.

Во летниот преоден рок Фиорентина ги ангажираше: Ерик Плугар (Болоња), Алекса Терзиќ (Црвена Звезда), Пол Лирола (Сасуоло – позајмица), Кевин Принс Боатенг (Сасуоло), Милан Бадељ (Лацио), Франк Рибери (слободен играч), Далберт (Интер позајмица) и младиот Рикардо Барони (Виртус Ентела).

Сега стигна уште едно засилување во прашање е поранешниот играч на Севиља, Јувентус, Барселона и Лацио, Мартин Касерес.

Искусниот Уругваец во редовите на Фиорентина стигна како слободен играч.

Зад себе овој 32 годишен дефанзивец има 93 настапи за селекцијата на Уругвај, а во текот на кариерата ја освои Примера, шпанскиот куп и Лигата на шампионите со Барселона, со Јувентус ја освојуваше Серија А и купот на Италија.