Макс Дауман ќе ги пропушти следните три домашни натпревари на Арсенал, откако беше одбиена клупската жалба за неговиот директен црвен картон против Флитвуд Таун.
Шеснаесетгодишниот фудбалер нема да биде на располагање за дуелите со Ливерпул, Хал и Њукасл. Арсенал се обиде да ја оспори и одлуката за исклучување и висината на казната, но независната комисија не ги прифати аргументите на клубот.
Повод за суспензијата беше инцидентот со Харисон Нил во Лига купот. По остар старт на фудбалерот на Флитвуд, кој остана неказнет, Дауман реагираше со удар со нога кон противникот. Судијата Мајкл Солсбери му покажа директен црвен картон поради насилно однесување.
Тој натпревар заврши со големо изненадување: Флитвуд, клуб од четвртиот англиски ранг, го елиминира премиерлигашкиот шампион по изведување пенали. Покрај испаѓањето од натпреварувањето, Арсенал сега ќе мора да се справи и со отсуството на младиот играч.
Од Англиската фудбалска асоцијација соопштија дека независната комисија ги отфрлила тврдењата за погрешно исклучување и престрога казна. Со тоа, тримечевната забрана за Дауман останува непроменета.
Фото: Sky Sports
Учество во игри на среќа е дозволено за лица со 18+ години. Играј одговорно!