Нови контроверзии во Шпанија: Судиски одлуки го обележаа натпреварот на Барселона и Рајо

Фудбалерите на Барселона со синоќешната победа против Рајо Ваљекано (1:0) го презедоа врвот на табелата во Ла Лига, но темата број еден во Шпанија по натпреварот повторно е судењето бидејќи гостите се жалеа на неколку судиски одлуки.

Првата беше доделениот пенал за Барселона во 28-та минута откако Сис го сруши Иниго Мартинез, а топката по корнерот не стигна ни блиску до играч на Барселона.

И гостите потоа бараа пенал по слична ситуација на другата страна кога Кубарси го држеше Сиса, но овој пат судијата не се огласи.

Yes.

BEYOND SCANDALOUS!

In 45 minutes, poor Rayo Vallecano had 2 penalties denied and a legitimate goal disallowed, while Barca got a penalty for the SAME offense. The referee even used VAR for Barca but ignored it for Rayo.

We are witnessing a GENERATIONAL robbery tonight pic.twitter.com/uHUbHFOyVL

— Did FC Barcelona rob a team today? (@DidUKnow_Futbol) February 17, 2025

Најголемо внимание привлече ситуацијата од крајот на првото полувреме кога на Рајо му беше поништен голот за 1:1 кој го постигна Де Фрутос по длабинско проигрување.

Де Фрутос беше далеку од офсајд положба, но помошниот судија го крена знаменцето бидејќи вториот играч на Рајо, според неговото мислење, го блокираше настојувањето на Мартинез да го блокира ударот.

Марка објави текст со наслов “Водство со контроверзи и патење” каде што истакнуваат дека судијата Марио Мелеро Лопез со две одлуки го обележа натпреварот.

За судиите по натпреварот пишува и Ас, кој објави текст со наслов “Два недосудени пенали за кои Рајо смета дека се идентични со оној доделен за Барселона”.