Фудбалерот на Фјорентина Едоардо Бове е буден и зборува со лекарите, по ноќта помината во болница откако изненадно се сруши на тревата за време на натпреварот против Интер.
Како што денес пренесе Република, 22-годишниот фудбалер е буден и повеќе не е интубиран.
Александар Вучковски - сомелиер: Како македонските вина го освојуваат светот? ↓↓↓
„Благодарам на сите“, биле првите зборови на фудбалерот откако се разбудил, соопшти Република, објави Бета.
Натпреварот меѓу Фјорентина и Интер во неделата во Фиренца беше прекинат во 17-та минута и не продолжи. Бове застана да врзе патики, потоа се исправи, направи чекор и се урна на тревата. По укажаната помош на теренот, Бове веднаш беше пренесен во болница во близина на стадионот „Артемио Франки“.
Неговиот клуб и управата на болницата синоќа соопштија дека првите кардиолошки прегледи исклучиле можност за акутно оштетување на централниот нервен систем и кардио-респираторниот систем и дека новата проценка ќе биде позната во рок од 24 часа.
Раководството на Серија А потврди дека натпреварот ќе продолжи од 17-та минута, но не го одреди терминот за одигрување.
Пред прекинот резултатот беше 0:0.
Учество во игри на среќа е дозволено за лица со 18+ години. Играј одговорно!