Нереално беше да остане во Минхен: Дајер има нов клуб

Ерик Дајер не успеа да се снајде по заминувањето од Англија во Бајерн и веќе летово ќе ја промени средината, сега е и официјално.

Англискиот стопер потпиша договор со Монако и на лето ќе премине без надомест во редовите на тимот од Кнежевството.

Дајер оваа сезона одигра само 18 натпревари во Бундеслига и не ги задоволи апетитите на тренерот Венсан Компани ниту пак на јавноста. Често беше под удар на навивачите на Бајерн кои беа незадоволни од неговата игра и сега е и официјален крај.

Дајер веќе ги потпиша сите документи со Монако и само се очекува официјална потврда од клубот што се натпреварува во француската лига. Англичанецот потпиша договор со Монако на две години со можност за продолжување на уште една година.

Дајер помина десет години како играч на Тотенхем, а од почетокот на 2024 година е во Бајерн. Беше прво на позајмица, потоа по истекот на позајмицата му заврши договорот со Тотенхем, па премина бесплатно на „Алијанц арена“.

🚨🔴⚪️ Eric Dier to AS Monaco, here we go! Deal done for English centre back to leave Bayern and join Monaco.

Deal in place, as first called by @Tanziloic on L’Équipé — agreement already done and sealed.

Understand the contract will be valid until June 2027 + option to extend. pic.twitter.com/MPUvOIHrR1

— Fabrizio Romano (@FabrizioRomano) April 29, 2025