Навивачите на Валенсија изразија незадоволство од шпанската фудбалска лига поради одлуката натпреварот против Барселона да се игра на мал стадион, наведувајќи “дека им е преку глава од различните критериуми”.
Пред пет дена, Барселона најави дека ќе ја дочека Валенсија на “Јохан Кројф” стадионот во нивниот тренинг центар, кој има капацитет од 6.000 места. Овој стадион обично се користи за женскиот тим на Барселона и за младинските екипи.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Се уште нема конкретна информација кога првиот тим на Барселона ќе се врати на Камп Ноу, кој е во процес на реновирање. Преносите на шпанските медиуми укажуваат дека работите би можеле да бидат завршени во октомври. Ова значи дека навивачите на Валенсија ќе останат без можност за присуство на натпреварот, бидејќи приоритет имаат членовите на клубот со сезонски билети.
Во соопштението на здружението на навивачи на Валенсија се истакнува дека е жално што лигата носи одлука пет дена пред натпреварот, и тоа за стадион кој не ги исполнува критериумите наведени во статутот на лигата, каде што се бара стадионите во Примера да имаат капацитет од најмалку 15.000 седишта, а сега е разрешено да играат на стадион со само 6.000 места.
„Сметаме дека навивачите повторно се занемарени, како во однос на организацијата на нивните патувања, така и за пристапот до билети за овој натпревар. Примера лига ги потценува нашите навивачи и тоа не е мала работа, секогаш во корист на други и доволно ни е од оваите разлики во критериумите“, пишува во изјавата.
Иако стадионот ќе биде целосно исполнет, ова ќе биде една од најслабите посетености на натпревар во шпанската Примера лига.
До овој викенд, најмалите стадиони кои биле домаќини на натпревари во првата лига биле Еибаровиот со капацитет од 6.267 места и стадионот на Хуеска, кој по реновирањето достигнува 8.000. Додека се изведуваше реновирањето на “Сантијаго Бернабеу”, Реал Мадрид ги играше своите натпревари на “Алфредо ди Стефано” стадионот со капацитет од 5.700 седишта, но без публика.
Учество во игри на среќа е дозволено за лица со 18+ години. Играј одговорно!