Навивачите на Манчестер јунајтед се налутија: Пивото на „Олд Трафорд“ е прескапо!

Навивачите на Манчестер Јунајтед се во конфликт со раководството на клубот. По неодамнешното зголемување на цените на билети што веќе предизвика протести и незадоволство, сега нивното незадоволство двојно се зголеми по новиот удар врз нивниот паричник. Имено, клубот ја качи цената на пивото на Олд Трафорд за неверојатни 51 проценти.

Навивачите во саботата, за време на пријателскиот натпревар меѓу Манчестер Јунајтед и Фиорентина (1:1), беа шокирани од непријатното изненадување на штандовите за пијалоци. Цената на шише Карлинг пиво се зголеми за 30 проценти, од 4,40 на 5,70 евра, додека цената на чаша пиво Мадри скокна за неверојатни 51 процент, на 6,65 евра. Ова зголемување, кое ги надминува самите цифри, предизвика дополнително вознемиреност кај фановите кои сметаат дека ваквото поскапување е несоодветно и неоправдано.

Реакцијата на навивачите не изостана. Многумина а го обвинија клубот дека ова поскапување претставува нова форма на експлатација, особено кога се земе предвид дека клубот веќе ги зголеми цените на билетите за сезоната 2025/26. Тоа значи дека присуството на натпревар на Манчестер Јунајтед станува луксуз што можат да си го дозволат само определени личности.

La cerveza, el motivo que ha hecho estallar a los aficionados del Manchester United https://t.co/Y5UGioHnKh

— MARCA (@marca) August 12, 2025

Спротивставен на бројните критики, Манчестер Јунајтед издаде соопштение во кое објаснува дека пониските цени во последните две сезони беа дел од “пробно пиво со попуст”, иницијатива поттикната од коментарите и барањата на навивачите за да се направи консумацијата на стадионот подостапна. Меѓутоа, додадоа дека моменталната економска клима ги принуди да ги отстранат тие попусти.

“Зголемувањето на цените на храната и пијалоците во последните три години, од 25 до 30 проценти, заедно со растечките оперативни трошоци, не натера да ги прилагодиме цените за сезоната 2025/26”, се наведува во соопштението.

Во тој контекст, клубот истакнува дека и покрај зголемувањето, моменталните цени се сеуште пониски од оние пред три години и пониски од просекот во Премиер лигата, каде кригла пиво чини околу 6,9 евра.