Навивач на фудбалскиот клуб Шкендија бил приведен од страна на Министерството за внатрешни работи поради предизвикување тензии во Скопје пред одигрувањето на квалификацискиот натпревар за Лигата на шампионите помеѓу Шкендија и Карабах.
Според информациите од МВР, лицето се движело низ градот со мотоцикл и при тоа истакнувал симбол што поттикнува национална, верска и расна нетрпеливост. Поради тоа, полициски службеници интервенирале и го привеле на лице место.
Спорт што не познава граници - Street Workout Macedonia | Уште еден поткаст
„На 05.08.2025 во 19.45 часот на бул.„Илинден“ на подрачјето на Центар, полициски службеници од СВР Скопје го лишиле од слобода М.М.(37) од Сојузна Република Германија поради сомнение за сторено кривично дело по член 319 од Кривичниот законик. На мотоциклот со тетовски регистарски ознаки, кој го управувал, имал истакнато симбол што предизвикува национална верска и расна омраза и нетрпеливост. Известен бил јавен обвинител и по целосно документирање на случајот, против него ќе биде поднесена соодветна пријава“, соопшти МВР.
Фото: Принтскрин
Учество во игри на среќа е дозволено за лица со 18+ години. Играј одговорно!